२०६६ साल » चैत्र महिना » तुला राशी
र री रु रे रो ता ती तू ते
यस महिनामा सूर्यले तपाईको जन्मराशिको एघारौँ स्थानमा भ्रमण गरेकोले तपाईलाइ अधिक मात्रामा धनको लाभ होला । स्थानमानको प्राप्ति होला । रोगको नाश होला । अध्ययन, लेखन, एवं धार्मिक आयोजनामा रुचि बढ्ला । स्वास्थ्य साधारण रहला । बौद्धिक कार्य सफल होला ।मंगल ग्रह तपाईको राशिको बाह्रौ स्थानमा भ्रमण गर्दै हुनाले तपाईलाइ धनको हानी होला । गर्मी र तापले रोगी बनाउला । मानसिक चिन्ता होला । आँखासम्बन्धी रोगले सताउला । कुटुम्बहरुबाट धोका होला । नयाँ काममा हानीको सम्भावना छ ।बुध ७ गतेबाट बाह्रौ स्थानमा जानाले धनको खर्च होला । सुखको हानीको सम्भावना छ । मानसिक अशान्ति होला । खानामा अरुचि होला । झगडा आदिको सामना गर्नुपर्ला । शुक्र ग्रह तपाईका लागि लाभ स्थानमा रहेका छन् तर ८ गतेबाट बाह्रौँमा जानाले धन वस्त्र आदिको लाभ होला । काममा जाँगर थपिएला । मिष्ठान्न भोजनको प्राप्ति होला । आफन्तको सहयोग प्राप्त होला । नराम्रो परिणामको पछाडि गुप्त शत्रुको हात हुनसक्छ । बलवान् शत्रु मित्रको रुपमा उपस्थित हुन सक्ला । निजी साहस, पुरुषार्थ बढ्ला । धार्मिक र सामाजिक काममा रुचि बढ्ला । खर्चको भार पर्ला ।
